شعر - هیئت زنجیر زنی قاسمیه شتربان تبریز

شعر

شعر (32)

منم سلطان نام آور وصی مصطفایم من /

دوشنده مشگله شیعه اوزوم مشگل گشایم من /

---------------
سیزه تاپشوردی پیغمبر منیم جسممدی جانمدور/

قیزی زهراده سویلودور منم تاب و توانمدور /

علینون اون بیر اولادی منم روح و روانمدور  /

حیدر حیدر حیدر ، حیدر حیدر حیدر/

-------------------

منیم صوتمده خلاق جهان خاتم دانشدیردی /

پیمبر مات و مبهوت اولدی بیر عالم دانشدیردی /

نظام عالمی بیردن ائدن برهم دانشدیردی /

حیدر حیدر حیدر ، حیدر حیدر حیدر/

-------------------

زمین اهلی گر ائتسیدی سماء اهلی کیمی باور /

منی صاحب ولا بولسیدی گوی اهلی کیمی یرلر /

جهنم خلق اولومازدی اولاردی سلسبیل کوثر /

حیدر حیدر حیدر ، حیدر حیدر حیدر/

-------------------

ملک لر گویده سویلله بودور شیر ژیان صفدر /

اگر دنیانی مرحب دولدورا بیر آنیده  پیلر /

اوشاقلیقدا ائدوبدور  اژدهانی خاکیله یکسر /

حیدر حیدر حیدر ، حیدر حیدر حیدر/

-------------------

علی المرتضانون درگهی باب سخاوت دور /

سنه ای « تابع دین » روز و شب حقدن عنایت دور /

علینون حبی جنت دور همین جنت ولایت دور /

حیدر حیدر حیدر ، حیدر حیدر حیدر/

-------------------

عجب لطف ایلیوب یزدان حسینه /
وئروب بیر رتبه شایان حسینه /
ملکلر اولدولار دربان حسینه /
سلاطین مرحبا گویان حسینه  /
جهان اهلی هامی مهمان حسینه  /

دیوب جان حضرت جانان حسینه /
آتام قربان آنام قربان حسینه /

حسیندور شیعه نون فلک نجاتی /
حسیندور حل ائدن هر مشکلاتی  /
ائدن خضره عطا آب حیاتی  /
شرفلندیردی زمزمدن فراتی  /
حسین بخش ایلیندور سیآتی /
                      

                                                وئروب خالق بویوک امکان حسینه /
                                                آتام قربان آنام قربان حسینه/

شاعر : کریمی مراغه ای

متن کامل شعر ، فرمت word

قدغن اولدی بو گون عترت پیغمبره سو
اودی هر ایل بو گونون مثلی دوشر دللره سو

فاطمه گل لرینون ایندی سولان گون لریدور

زینبون قانه دونن قلبی یانان گونلری دور

تشنه سقانون او شرمنده اولان گونلردور

وئره بولموردی سو سوزوندان سارالان گل لره سو

شاعر : مرحوم منزوی

هجرون دله ببر اوخدی
دشمن بولوسن چوخدی
سنسیز کومگیم یوخدی
آچ گوزلریوی قارداش

ای اسوه شخصیت
وی شیر خدا خصلت
بیر لحظه ائله همت
آچ گوزلریوی قارداش

شاعر : مرحوم عافی تبریزی

آئین و آرمانیوه قربان اولوم حسین

تاریخ جاودانوه قربان اولوم حسین

اندیشه کبیریوه نفس سلیموه

معجز نما بیانوه قربان اولوم حسین

شاعر : مرحوم انور

ای اولان گل کیمی خندان وای عم اوغلی
طوی حناسی اولان القان وای عم اوغلی

بلمورم هانسی غمونده ایلیوم ناله و افغان

عمّن آغلور آنان آغلور بو نه طویدور سنه قربان

بو نه عالمدی اولوبسان طوی گونی قانیوه غلتان
عروسم باشیما کولر الندی بدنون قانه بَلَندی
...

نام شاعر : تابع دین

گوزون آچ منی دانیشدیر گوزوه فدا ابوالفضل
سنه منتظردی قیزلار منه وئر صدا ابوالفضل

------------------------------------------------

یازولوب اگر چه قانه بو سیاقیله باتیدون
اورگیم قانون بو چولده بئله اشگیمه قاتیدون
اوتوز ایلده گورمه میشدیم من اولاندا سن یاتیدون
بولورم سالوب ایاقدان سنی چوخ یارا ابوالفضل
----------
--------------------------------


شاعر : صادقی

فراقون بیزه شاها اولونجن اثر ایلر ا

اول صحن و اول رواقون بیزی خون جگر ایلر

شاعر : مرحوم حاج حسن سیابانی متخلص به زاهد

متن کامل شعر به فرمت pdf می باشد.

یا حسین درگهوی روضه رضوان گورورم
گلسه هر کیم قاپیوا لایق احسان گورورم
کربلادور وطنیم بو قره کوینک کفنیم
ورد ذکریمدی منیم جان یارالی جان یارالی
***

بیر سینیق نی کیمی هجرونده نوا دلخوشیام
عشقیوه گرچه مریضم نه دوا دلخوشیام
قالمیشام زنده اگر کرب و بلا دلخوشیام
یوخسا چوخدان ئوزومی مرگه شتابان گورورم
***

چوخلار ئوز حاجتینی بو قره پرچمدن آلوب
دردینون چاره سینی صاحب علقمدن آلوب
اون بیر آی قوت قلبی بو محرمدن آلوب
ائله بیر آیدی که هر قلبی پریشان گورورم
***
ای جوان گل دئنه لب بیک عزاداریلره
باخماز عشق اهلی اولان حلقه اغیاریلره
سال حسین وای سسینی کوچه و بازاریلره
بو حسین وای سسینی دردلره درمان گوروم

 

 

سسلر فلک مرحبا عباس
حور و ملک مرحبا عباس
------------------
قهرمان کربلا عباس نام آور
زاده ی ام البنین دردانه حیدر

 

شاعر : استاد زرین قلم

متن کامل با فرمت word 2007 می باشد.

 

ام فضل ائتدی جهاندا چوخ جفا بابن الحسن
جوی سالی ایاقان بر ملا یابن الحسن
*****************************
وردی تهمت ناروا چون جواده اول دنی
تنگ ائدوبدور جور و ظلمیله او ظالم عرصه نی
وار یری تا وار جهان ائتسن شها سن شیونی
قویدی آغلار شیعه نی اول بی حیا یا بن الحسن

شاعر : بهشتی

متن کامل با فرمت word قابل دانلود می باشد.

يا امام رضا اي فاطمه بالاسي
تحت قبه نده وار هر بير دردين دواسي


سن شمع وفا سن بيزده سنه پروانه

سالوب عشقين بيزي بو آتش سوزانه

قوي بيزه دئسونلر ديوانه دي ديوانه

ديوانه اولانون اولماز خوف و هراسي

شاعر : غمخوار

متن کامل شعر با فرمت word قابل دانلود می باشد.

آرام جانیم کربلا روح و روانیم کربلا
سنده یاتان قربانلارا قرباندی جانیم کربلا

دردیم دواسی کربلا روحیم صفاسی کربلا
هر درد بی درمانه وار سنده دواسی کربلا

شاعر : کلامی زنجانی

متن کامل به فرمت word قابل دانلود می باشد.

باشلادون حق اوسته بیر نهضت حبیبی یا حسین

اجتماعه ایلدون خدمت حبیبی یا حسین

شاعر : مرحوم تائب تبریزی

نام کتاب : هدیه تائب

متن شعر کامل و به فرمت pdf می باشد. 

 

بر در لطف تو از روی نیاز آمده ام / نا امیدم مکن از راه دراز آمده ام

به ولای تو کز این در نروم جای دگر / بر در پادشه بنده نواز آمده ام

...

شاعر : شب خیز  منبع : کتاب گنجیه شب خیز

 

ای آیت صبح ازل
وی ذات خلاقه مثل
ای چوخ گوزللردن گوزل
جانم حسین جانم حسین (ع)
---------------------
عالم قاپوندا بنده دی
چشم امیدیم سنده دی
آدون همیشه زنده دی
جانم حسین جانم حسین (ع)
---------------------
ای خامس آل عبا
نور دو چشم مرتضا
گویلوم چوخ ایستور کربلا
جانم حسین جانم حسین (ع)
---------------------

قبرون یانیندا وای دیاخ
شاخسی گئداخ ای وای دیاخ
بیر اصغره لای لای دیاخ
جانم حسین جانم حسین (ع)
---------------------
بیر عالی نهضت ایلدون
کسب جلالت ایلدون
خلقی هدایت ایلدون
جانم حسین جانم حسین (ع)
---------------------
دین اوسته اکبر ورمیسن
لب تشنه اصغر ورمیسن
عونیله جعفر ورمیسن
جانم حسین جانم حسین (ع)
---------------------

شاعر : کلامی 


اولموشام عشقده دیوانه حسین وای دیرم 

ائدرم نوحه و مستانه حسین وای دیرم 

هامی کسلردن آقام کسدس منه 

آقامون نوکریم بسدی منم 

شاعر : سیفی اردبیلی 

کتاب : منهاج ابرار

متن شعر به صورت Pdf قابل دانلود می باشد. 


بو عالمین غم و اندوهی عالم عالم اولیدی
نه بو محرم اولیدی نه زینبه غم اولیدی

نه حور اولیدی نه غلمان نه خلد اولیدی نه کوثر
نه کربلاده حسینون جلالی بر هم اولیدی

حسین الینده علی اصغر المییدی سوسوزدانن
جزاده شیعه لرون مسکنی جهنم اولیدی

نه شمر اولیدی نه خولی نه تیغ اولیدی نه خنجر
نه کسماقا الینی ساربان مصمم اولیدی

شکنج زلف علی اکبریله بندیدی لیلا
قاچان دگلدی نه لازم طناب محکم اولیدی

نه مشگ پاره لنیدی نه قول دوشیدی نه بیدق
نه زینبون بو مصیبتدن قامتی خم اولیدی

گوروب او پیکری اوچ حصه آغلادی دئدی زینب
حسین منیم سنه اولماقلیقیم مقدم اولیدی

منی زمانه بو طور ایلیوب مگر آنام اوغلی
گرک سکینه اسیر فرهنگ و دیلم اولیدی

الیدی کاش باجون گورمییدی بیرجه بو حالون
حسین بدنده باشون اللرین مسلم اولیدی

آنام تنوریده قویماز کسیک باشون قالا یالقوز  

گئدنده دیره پذیرالیقندا مریم اولیدی


زبده الاشعار ج 2 - شعر احتمالا از مرحوم صافی می باشد


چخما ای گون گل بوگون ایله حمایت زینبه
آشکار اولسان اولور برپا قیامت زینبه
بیر بئله گونده اگر بلسن طلوعینده نه وار
ایله سن مطلق بو صحراده اعانت زینبه

لشگر کفر و ضلالت بیرق ظلمی وروب
بو بیاباندا مقابل نورله ظلمت دوروب
سن طلوع ائتسن بو گون زینب گونی ایلر غروب

کربلا دشتی اولور محشردن آیت زینبه

نوریویله سن اگر سالسان حجاباته شفق
غرق اولور دریای غمده ساکنان نه طبق
باش آچار زهرا گلر فریاد و داده ما خلق
کشف اولور سر قیامتدن علامت زینبه

بو گونون وضعیتیندن اولسان ای گون با خبر      
اولماسان هرگز بو ظلمت پرده سیندن جلوه گر
مشرق غمدن بوگون ای گون عیان اولسان اگر

ایلسن بی شک هامی آفاقی ظلمت زینبه

تار ائدر رنگ مصیبتدن گوگلیمون مرآتینی
سیندیرور اعدای دین انوار حق مرآتینی
دین اسلامون پوزار بو چولده تشکیلاتینی
ایلمز بیر کیسمه هرگز حمایت زینبه

چخما ای گون قوی گوره لیلا دویونجا اکبری

چکسون آغوشه ثریه قاسمون گل پیکرین
سن طلوع ائتسن بو گون اوخلاللا حلقین اصغرین

بو مصیبتده وئرر ئوز ئوزگه حالت زینبه

سن طلوع ائتسن وئرر ئوز آل سفیانه شعف  

مظهر والشمس اولور راس ستمندن منخسف
غش ائدر زهرا حسینیم وای دیر شاه نجف  

شدت ایلر درد و غم ساعت به ساعت زینبه

شبه پیغمبر وجودین دشمن ایلر چاک چاک
آل پیغمبر چکر آه اوسته آه سوزناک
دوشسن اکبر نعشینه لیلا ئوزین ایلر هلاک

سن او ساعت ایله حقدن استعانت زینبه

آشکار اولسان بو گونکی گونده سن ای آفتاب
آتش غم مجتبا قلبینده ایلر التهاب
قاسمون صد چاک جسمون تابشون ایلر کباب

سن بلورسن طاقت دلدور او قامت زینبه

بحر تک موجه گلوب بو یرده قوم بد شیم      
قوللارین ایلله عباسین فرات اوسته قلم
اولما راضی وحشته دوشسون خواتین حرم
هر مصیبتدن چتوندور بو مصیبت زینبه

تشنه لوق ای گون سالوب دلدن علی اصغری
غنچه گل تک سولوب سوز عطشدن لب لری
پوزگون احوالی پوزوب چوخ عترت پیغمبری
بو ملالت آرترور غم بی نهایت زینبه  

بیزده عطشانوخ ولکن قارداشیم عطشاندی چوخ
سالما تاب شدتون گورسن یاراسیز عضوی یوخ
جانورور ایستی قوم اوسته سینه سینده دورت مین اوخ
مین قیامت آشکار ایلر او حالت زینبه

چخما ای گون اولما راضی گلشن طاها سولا
آل هاشم غرق غم آل امیه شاد اولا
باغلانا ظلمیله عصمتلو خانملار قول قولا
ایلیه شمر ابن ذی الجوشن شماتت زینبه

عادت معهودیله سالسان یره بوگون ضیاء
الدوروللر حجت اللهی بو قوم اشقیا
ظلمت ظلم عدودن محو اولور نور هدا
اولماز عمرونده بیر آن غمدن فراغت زینبه

ایسته سن «صحاف» ایکی دنیاده اولماق سربلند
ایله اشکیله مصیبت دفترینه شیراز بند
حکم آل اللهیله دوغرانسا جسمون بند بند
گوز یاشیله غملرون ایله کتابت زینبه


زبان حال امام در مصیبت «حضرت عباس»

گلشن آل علی ایندی سولار قارداشیم
یاتما حسینون ایشی مشگل اولار قارداشیم

سیل غمیم آزقالور باشدان آشا دور گئداخ
کاسه درد و غمیم ایندی دولار قارداشیم
گرچه بئلیم سیندی دور قویما یاتا پرچمون
یاتسا اگر پرچمون محشر اولار قارداشیم

گئتساق اگر خیمیه بو داغیلان نعشیوی
زلفینی زینب باجیم گورسه یولار قارداشیم
یاتما مگر گورموسن چولده نه هنگامه دور
خیمه لره دور قشون ایندی دولار قارداشیم

بیله که طوفان ائدیر بحر بلا، قیزلاری
ساحله گر چکمسن تئز بوغولار قارداشیم
خیمیه دور بیر گئداخ گوزلوری قیزلار یولون
یوخسا بساط حرم تئز پوزولار قارداشیم

سن سن امید حرم ایندی بویانسان اگر
خیمه لره ظلمیله اود ورولار قارداشیم
هانسی بیر اود دور بئله خرمنوی یاندیریب
هانسی صفا لی چمن بیله سولار قارداشیم

عترت پیغمبرین تکجه گوزو سنده دی
ایندی منیم قیزلاریم دور سویولار قارداشیم
بیزدن اوزاق
دور اگر باغ «شهابی» سولا
آرزو گولی باخماسان پرپر اولار قارداشیم


صفحه1 از2

درباره قاسمیه

هیئت زنجیرزنان و شاه حسین گویان محله شتربان در تاریخ 1346 به همت جوانان این محله تاسیس شده و تاکنون به فعالیت خود در زمینه های مذهبی ادامه می دهد

ادامه مطلب

اوقات شرعی