ولایت درسی

بیز ولایت درسینی عماریلردن آلموشوخ

جام عشقی میثم تماریلردن آلموشوخ

...................

درس ایثار اورگدوپ بو قاره پرچم لر بیزه

مایه عزّ و شرفدی بو محرم لر بیزه

هر زمان الگودی اولاد پیامبرلر بیزه

آبرونی احمد مختاریلردن آلموشوخ

جام عشقی میثم تماریلردن آلموشوخ

...................

اهل ایمانه سلام ایلر علینون شیعه سی

هر زمان ظلمه قیام ایلر علینون شیعه سی

والدینه احترام ایلر علینون شیعه سی

چون جزای خیر خوش رفتاریلردن آلموشوخ

جام عشقی میثم تماریلردن آلموشوخ

...................

ای مسلمان زاده اسلامه اهانت ایلمه

اوزگنون ناموس و مالینده خیانت ایلمه

واجباتوندان چکوب ال ترک طاعت ایلمه

رهنمادور بو سخن گفتاریلردن آلموشوخ

جام عشقی میثم تماریلردن آلموشوخ

...................

هئچ مسلمان عورت آتماز ئوز حیا و عصمتون

بی حجابلوخ ایلوپ محو ائتمز انسانیتون

ورسلر دنیانی ساتماز غیرتون حیثیتون

بو پیامی عترت اطهاریلردن آلموشوخ

جام عشقی میثم تماریلردن آلموشوخ

...................

شاخسیون اولسون گرک نظم و نظام و هنگیله

اولماسین قاطی وهابیت سالان فرهنگییله

نوحه باشلانسون گرک زهرا سوون آهنگیله

شاخسیون مشقین قوجا سرداریلردن آلموشوخ

جام عشقی میثم تماریلردن آلموشوخ

...................

مقتداموز بیزلره انصاف و احسان اورگدوپ

سائله راز و نیاز اوستونده احسان اورگدوپ

نیزه باشیندا بیزه تفسیر قرآن اورگدوپ

قدرت دل دیده خون باریلردن آلموشوخ

جام عشقی میثم تماریلردن آلموشوخ

...................

ای حسینه آغلیان شال عزا زینبدن آل

صدقینن یالوار برات کربلا زینبدن آل

وار مریضون دامنون توت سن شفا زینبدن آل

بو حدیث عابد بیمارلردن آلموشوخ

جام عشقی میثم تماریلردن آلموشوخ

...................

ای بشر سعی ایله یار و همدم اول قرآنینن

غالب اول ئوز نفسیوه سن قوه ایمانینن

شیطانون سیندیر بلین فریاد یا سبحانینن

روحی امراضه دوا اذکاریلردن آلموشوخ

جام عشقی میثم تماریلردن آلموشوخ

...................

مداح : کربلایی ولی پیری

بارگیری پیوست‌ها:

  • تعداد دانلود: 1631
برای ارسال نظر وارد سایت شوید

درباره قاسمیه

هیئت زنجیرزنان و شاه حسین گویان محله شتربان در تاریخ 1346 به همت جوانان این محله تاسیس شده و تاکنون به فعالیت خود در زمینه های مذهبی ادامه می دهد

ادامه مطلب

اوقات شرعی